மதுரை: தமிழகத்தில், கொரோனா பாதிப்பை எதிர்கொள்ள, 24 மருத்துக் கல்லுாரி மருத்துவமனைகளில், சிறப்பு பிரிவு துவங்கப்பட்டுள்ளது. சென்னை, தேனி, திருநெல்வேலி உள்ளிட்ட இடங்களில், கொரோனா பரிசோதனை கூடம் அமைக்கப்பட்டுள்ளது. இப்பிரிவுகளை, 6 கோடி ரூபாயில் மேம்படுத்தும் பணி நடக்கிறது.ரூ.2 கோடிதற்போது, மதுரை மற்றும் தோப்பூரில், நிரந்தர தனி வார்டுகள் அமைக்க, 2 கோடி ரூபாய் ஒதுக்கப்பட்டுள்ளது. மதுரை அரசு மருத்துவமனை பழைய செவிலியர் கல்லுாரி கட்டடம், தோப்பூர் தொற்றுநோய் மருத்துவமனையில், ஒரு கட்டடம் தேர்வு செய்யப்பட்டுள்ளன.அங்கு தலா, மூன்று, 'வென்டிலேட்டர், மல்டி பாரா மானிட்டர்' கருவிகள் நிறுவப்பட உள்ளன. கட்டுமான சீரமைப்பு துவங்கி விட்டது.
கொரோனா சிறப்புக்குழு டாக்டர் ஒருவர் கூறுகையில், 'மதுரை, தோப்பூரில் அமையும் நிரந்தர தனி வார்டுகள், கொரோனாவிற்கானது மட்டுமல்ல; இதேபோன்ற பாதிப்பை ஏற்படுத்தும் நிபா, பன்றிக்காய்ச்சல் போன்ற தொற்று நோய்களுக்குமானது. 'மதுரையில் 20, தோப்பூரில், 10 படுக்கை வசதிகள் ஏற்படுத்தப்படும்' என்றார். இதுதவிர, சென்னை, கோவை உள்ளிட்ட, 11 இடங்களிலும் நிரந்தர தனி வார்டுகள் துவங்கப்பட உள்ளன. மருத்துவமனை வளாகங்களில், இதற்கான கட்டடங்கள் தேர்வு செய்யப்பட்டுள்ளன. இதற்காக, 12.03 கோடி ரூபாய் ஒதுக்கப்பட்டுஉள்ளது. நோய் தொற்றுக்கு ஆளானவர்கள் இங்கு அனுமதிக்கப்படுவர்கள் எனகூறினார்.
" alt="" aria-hidden="true" />
